2025-жылдын 22-августунда Жан-Булак айыл аймагынын жаңы дайындалган айыл өкмөтүнүн башчысы Токторалиев Кубанычбек Мукашович Жан-Булак жана Достук айылдарынын социалдык объектилерин кыдырып, мекеме жетекчилери жана айыл тургундары менен жолугушуу өткөрдү.
Жолугушуунун негизги максаты – айыл тургундарынын көйгөйлөрүн жана сунуштарын угуу, жергиликтүү көйгөйлөрдү жеринен көрүп таанышуу болду.
Тургундар тарабынан бир катар маселелер көтөрүлүп, төмөнкүлөр талкууланды:күзгү оруп-жыюу иштерин уюштуруу жана комбайндардын даярдыгы;
көчүп-конуу жана чабандардын 1-октябрга чейин белгиленип көрүлүшү;
жерлерди трансформациялоо маселеси;
айылдагы таза суу көйгөйү;
көчө жарыктарын оңдоо;
айыл ичиндеги кызыл сызыктарды тактоо маселеси.
Айыл өкмөт башчысы көтөрүлгөн бардык маселелерди өз көзөмөлүнө алып, мүмкүнчүлүккө жараша ишке ашырууну белгиледи. Ошондой эле, айыл өкмөтү ар бир сунушту карап чыгып, тиешелүү мекемелер менен биргеликте тургундардын көйгөйлөрүн чечүүгө аракет көрөрүн билдирди.
Жан-Булак айыл өкмөтү.
