Бүгүн 4-октябрь күнү Жан-Булак айылында Кыргыз Республикасынын Президентинин 2022-жылдын 24-февралындагы №54 Жарлыгын колдоо жана ысырапкорчулукка жол бербөө максатында айылдын тургуну Орозалиев Бактыбек жана анан бир туугандары каза болгон апасы жана бир тууганынын ашын белгилөөдө мал союп, дасторкон даярдап айыл апаны чакырып тамак берип бата алуудан баш тартып, Жан-Булак айылындагы Кары Осмоналиев көчөсүнүн 2 км узундуктагы жолго шагыл төгүп берип, айыл элинин батасын алышты. Мындай иш аракети менен айыл тургуну башкаларга ысырапкорчулукка барбоого үлгү болушту.
