Жан-Булак айыл аймагынын айылдык кеңешинин XXIX чакырылышынын
XVI кезектүү сессиясынын
ТОКТОМУ № 16/2
23-декабрь 2025-жыл Жан-Булак айылы
Жан-Булак айыл аймагынын айыл өкмөтүнө атайын оор техника (Экскаватор) алуу боюнча долбоорун жактыруу жана акча каражатын кароо жөнүндө
Жан-Булак айыл аймагынын айыл ѳкмѳтүнүн социалдык-экономикалык муктаждыктарын чечүүдѳ Жан-Булак айыл аймагынын айыл өкмөтүнө атайын оор техника (Экскаватор) алуу боюнча долбоорун жактыруу жана акча каражатын кароо максатында жана айыл тургундарынын 2025-жылдын 22-декабрындагы элдик жыйындын №13 протоколунун негизинде Жан-Булак айыл аймагынын айылдык кеңешинин XXIX чакырылышынын XVI кезектүү сессиясы токтом кылат:
- Нарын райондук Ѳнүктүрүү фондунун эсебинен долбоорлорду тандоо жана каржылоо жобосуна ылайык, жалпы наркы 11 000 000 (он бир миллион ) сомду түзгѳн Жан-Булак айыл аймагынын айыл өкмөтүнө атайын оор техника (Экскаватор) алуу боюнча долбоору бир добуштан жактырылсын.
- Жан-Булак айыл аймагынын айыл өкмөтүнө атайын оор техника (Экскаватор) алуу боюнча долбооруна жергиликтүү бюджеттин эсебинен өздүк салым катары 880 000(сегиз жүз сексен мин) сом акча каражаты артыкчылыктуу негизде бөлүнүп берилсин.
- Бул долбоорду ишке ашырууну камсыздоо жана кѳзѳмѳлдѳѳ жагы айыл өкмөт башчысы К.Токторалиевге милдеттендирилсин.
- Бул токтомдун аткарылышын көзөмөлдөө Жан-Булак айылдык кеңешинин социалдык-экономикалык маселелер боюнча туруктуу комиссиясына жүктөлсүн.
Төрайым А.Өзгөрүшова