Кыргыз Республикасынын Президенти Садыр Жапаровдун “Улуттук дем — дүйнөлүк бийиктик” аттуу Жарлыгынын алкагында, 2025-жылдын 19-июлунда Нарын районунун Кайыңды айылында “Баба салты, эне адеби” аталышындагы этно-фестиваль жогорку деңгээлде өткөрүлдү.
Иш-чаранын негизги максаты — улуттун өзөгүн түзгөн тарыхый салт-санааны, үрп-адатты, нарк-насилди даңазалап, жаш муунга кыргыз элинин маданий баалуулуктарын кеңири таанытуу болуп саналат.
Жан-Булак айыл аймагынын айыл өкмөтү аталган этно-фестивалдын жобосуна ылайык бардык сынактарга активдүү катышып, төмөнкү ийгиликтерге жетишти:
“Улуттук саркеч кийимдер” номинациясында:
Достук айылынын ишкер айымы Калканова Айзада салттуу кийимдерди заманбап стиль менен айкалыштырып, кийинки муунга мурас калтыруу максатында жашоого болгон жаңыча дем берип 1-орунду багынтты.
Кыргыз элинин бай каада-салттары, улуттун тубаса өзгөчөлүгүн көрсөтүү боюнча
Тушоо кесүү салты көргөзүлүп, 2-орун ыйгарылды.
Кыргыздын улуттук ашканасынын даамдуулугун көрсөтүү, анын даярдалышынын сырларын ачып берүү тамак-аштардын кароо-сынагында — 2-орун ыйгарылды
Манас эпосу кыргыз элинин мурасы .Манас айтууда — 4-орун ыйгарылды
Кол өнөрчүлүк боюнча Жээнбек кызы Изаттын кол эмгектери көргөзмөгө коюлуп, акчалай сыйлыкка ээ болду.
Бул фестивалды жогорку деңгээлде уюштурган Нарын райондук мамлекеттик администрациясына, ошондой эле бардык катышуучуларга терең ыраазычылык билдиребиз.
